21

کرمان شاہ میں 6.4 شدت کا زلزلہ ، 500 سے زائد افراد کے زخمی

تہران: ایران کے مغربی صوبے کرمان شاہ میں 6.4 شدت کا زلزلہ ریکارڈ کیا گیا۔ جس کے نتیجے میں 500 سے زائد افراد کے زخمی ہونے کی اطلاعات ہیں۔

ایران کے ادارہ برائے ارضیاتی طبیعات کے مطابق زلزلے کا مرکز سرپل ذهب سے 17 کلو میٹر جنوب مغرب میں تھا اور زمین میں اس کی گہرائی 7 کلو میٹر تھی۔

امریکی جیولوجیکل سروے کے مطابق زلزلے کی شدت 6.3 اور زیر زمین اس کی گہرائی 10 کلو میٹر تھی۔

زلزلے کے بعد عوام خوف کے مارے اپنے گھروں سے باہر نکل آئے۔ زلزلے کے جھٹکے عراق کے دارالحکومت بغداد میں بھی محسوس کیے گئے۔

امریکی میڈیا رپورٹس کے مطابق ایران کے ایمرجنسی ڈپارٹمنٹ کے سربراہ پیر حسین کولوند نے زلزلے کے نتیجے میں زلزلے کے نتیجے میں 500 سے زائد افراد کے زخمی ہونے کی تصدیق کی ہے۔

گزشتہ برس بھی کرمان شاہ کے علاقے سرپل ذھب میں آنے والے 7.3 شدت زلزلے کے نتیجے میں 600 کے قریب افراد ہلاک ہو گئے تھے۔

اس خبر پر اپنی رائے کا اظہار کریں

اپنا تبصرہ بھیجیں